Сябра «Маладога фронту» Латышаў, якога шукалі паплечнікі, «знайшоўся» у войску

Аляксандар Латышаў
Аляксандар Латышаў знаходзiцца ў частцы пад Лепелем.

Сябра «Маладога Фронту» Аляксандар Латышаў, якога шукалі паплечнікі, «знайшоўся» ў войску. «Ён ад сёньня ў нашай частцы, цяпер у карантыне. Учора ён быў адпраўлены з Гомля», — пацьвердзіў svaboda.org дзяжурны 52-га спэцыяльнага пошукавага батальёну, што дысьлякуецца пад Лепелем.

Аляксандар Латышаў — са Жлобінскага раёну. Вучыўся ў Польшчы, потым вярнуўся ў Беларусь.

Трывогу забілі яго сябры і паплечнікі, таму што ён ад 15 лістапада не выходзіў на сувязь.

«15 лістапада Аляксандар мне паведаміў, што плянуе паехаць ва Ўкраіну, адтуль — у Польшчу. І больш не выходзіць на сувязь», — казаў Свабодзе ягоны прыяцель Дзьмітры Маракоў.

Былы сябра «Маладога фронту» Андрусь Цянюта сьцьвярджае, што Аляксандар Латышаў у верасьні хадзіў па позьве ў ваенкамат і «там яго чакаў супрацоўнік КДБ».

«Паводле слоў Аляксандра, супрацоўнік КДБ пытаўся ў яго пра вучобу ў Польшчы і пра мяне», — дадаў Андрусь.

У 2014 годзе Аляксандра Латышава адпраўлялі на псыхіятрычную экспэртызу «ў сувязі з удзелам у партыі „Малады Фронт“» — менавіта так было напісана ў накіраваньні ад жлобінскіх лекараў. У Гомельскім абласным псыхіятрычным шпіталі адхіленьняў у яго не знайшлі.

  Польша: более четверти миллиона детей получили пособие по программе «Семья 500+»

Марко Симич: БАТЭ — лучший период в моей футбольной жизни

Гонконг предупреждает мир